嘩！？咩話？？六年喇🤭🥰？！

嘩？！咩話？！我地一齊咗6年喇？！ 你唔講我都唔覺😂😆🥰。
自從2013年的今日野生捕獲你至今（30/11/2019）有6️⃣個年頭
真係時間太快，我老喇🤦‍♂️😂。
加油！！我地再一齊多16年26年36年56年99年💑

一個月多的「新」生活😂.........還算 新？！ 生？！😂😆

日子飛得好快🚀一個月喇！？除左返工、收工、放假（法例要求）望落好Dry感覺冇咩特別，不過睇你點用過一日假😂。提到放假，「中佬」（都算呱😂😆🤣）又講舊屎，對上份工係五天工作 一個月有8日假，都幾夠用休息仲可以返到pt😆........而家就🤦‍♂️一日假唔夠用。
地鐵開通番收十點打後，工作程度日日忙碌，晚晚冇停手🤦‍♂️，係自已生意就話爽皮😒😒。

提及到生意（準備起步），而家等緊個滙率平返啲啲（差啲啲仔到心目中價）雖然唔係話咩中大生意，不過都有分別。其望透過生意揾到的去實現 開餐廳，呢個係我持續左四年零的夢🥰！要達成💪🏻！就算現時辛苦，要吸收實戰經驗！都要達成！

琴日個滙率到左「心中價」雖然唔係叫特別平同吸引，但都可以接受到。琴日提早出門口去兌換滙款，大家都知啲滙率可以籍住19萬個理由跳動🤦‍♂️😑，費時失去等左大半個月的時間😂💪🏻！ 呢緊都會要啲貨辦測試耐用度、功能性，做唔做到user friendly 😄 （期待）。

過多兩日放假（1/12）又可以整野食😆😆，希望有時間整到同大家交流。呢日都應該有啲忙😑。 待續星期日🤬🤬😂😂


「加油！達成最終目標！」💪🏻🤬🤬💪🏻

幸福、快樂🤗其實可以好簡單 （2)

上一遍寫到晚上🌃煮呢幾樣既住家餸，係極其簡單冇著重擺設，重點係 「家・幸福」
一家人齊齊整整開開心心坐埋食飯，相信係今年最好的事。就算係普通家庭都唔重要😉

濃蝦湯
蒜香鼓油黃乾煎虎蝦
蒙古烤羊架
炒菜

濃蝦湯

 先落油係個煲到燒熱

將切碎左的西芹、甘筍、洋蔥同埋蒜片放入個煲度炒香

炒香左開始透身，出左好香的菜味

將蝦殼放落個煲度炒香，邊炒用個炒匙壓爛啲蝦頭，俾蝦膏出黎一齊炒香，令個湯更濃

 炒到𨍭哂色，聞到好香既蝦香味，然後再加埋茄膏

將茄膏同蝦殼啲雜菜炒香，呢次要炒到棕色，意思系接近燶但又末到燶的程度。係要令到煲入面所有材料混合埋茄膏的香味。再加白酒

加魚水（如果冇魚水，可加水，但冇甘香）蓋到啲湯碼。中火滾至30-45分鐘左右，令到頭先炒的所有香味溶哂係啲魚水度。熄火。

用個隔西隔走啲料，記得用枝匙壓下啲湯渣，唔好浪費精華。啲料可以掉走。

加一罐番茄落去煲湯度

用支手提blend 槍打爛啲番茄同湯混合

加埋啲蝦仁落湯，開火煮滾。調味。落埋忌廉。如果覺得買忌廉只用一次又用唔哂，可以用風車花奶效果唔錯，當然一分錢 一分貨。

完成

蒙古式烤羊架

先用孜然粉、鹽、黑椒、糖、蒜片及欖油醃2-3小時或以上。
焗之前係雪櫃拿出黎擺係室溫15-20分鐘。
焗之前，可以將羊架的四邊放係個pan 度煎香，燒出黎會香好多

入爐前要預熱20-30分鐘。呢支羊架，我用200度火焗50-55分鐘，基於老豆同老婆要接近well done ，所以😅😅😂冇計。我個人食會5成熟

 50分鐘後....出爐了，成間屋都好香。

                                                      頭先入爐前有放係pan 煎過，所以就算係well done都好，都冇咩汁走哂出黎。

蒜香豉油皇乾煎大蝦（家庭版）

先將蝦解凍完，剪去啲腳、頭頂的角同蝦鬚。

放落有油熱左的鍋，兩邊煎到有色。

然後落切碎左的蒜/蒜蓉、小小糖同埋啲啲豉油。

再用中大🔥兜混，唔好落太多豉油，只要岩岩好足夠份量包住隻蝦。

完成





呢晚大家都岩口味，完成食哂。除左我😆，因為吸油煙都飽喇😝。問返屋企人啲蝦夠唔夠味，佢地都話夠哂。細老同老婆對蝦湯好棒場，係甘飲😋，老豆飲得唔多，佢食羊架。熟得黎唔dry 又夠味岩佢怕生的人食。
雖然呢餐的確比唔上啲餐廳「商品食物」但充滿住幸福味道 🥰
「⋯⋯咸魚白菜也好好味⋯⋯有你（哋）在身邊多樂趣」

幸福、快樂🤗其實可以好簡單

今早，起身煮完麥皮俾老婆（婆）😂）食，我再去訓過。
不過訓都係唔耐，十點左右起左身「接力」收衫摺衫。
（我地既「接力」🤣其實係完成上一個未完的家務，再簡單講就係分工合作。）

下午約左老豆搬野，將PACK好的幾個箱GOGO VAN 過去婚居。 係樓下見到3個小朋友係沙地用條空心既木板玩，玩到連管理員叫佢地唔好玩都聽唔到😆。邊行邊望住佢地，諗返細個時的日子真係可以好簡單，到左而加希望倆口子日後生活可以活得簡單😘DD野都可以開心大半日(*^o^*)

今晚老婆收早，係奶奶屋企食飯。我接近大半日都係自己屋企要預備晚餐，搖身一變成個「煮飯佬 HOME COOK 👨‍🍳」╮(╯▽╰)╭

簡單又係一餐(誤👨‍🍳）：
濃蝦湯
蒜香豉油黃乾煎虎蝦
蒙古烤羊架
炒菜

D飯菜簡簡單單，唔係鮑參翅肚比唔上高級食府及擺碟精緻，不過勝在一家人食到HE HE HA HA 眼神充滿著幸福                                                                                            
                                                                                    ----------------〉下一頁

求婚一週年（11/11) DAY BY DAY UNTIL THE END OF THE WORLD

琴日係11月11號，又係「雙棍節」。可能係某部分人眼中冇咩特別，或者係會影射到自己仲係 單身😩 （隨時俾人打😂😅）

而我呢⋯⋯😂係一週年紀念！嘩，冇諗過時間會過得好快呀(╯﹏╰）證明自己又快老一年（大一歲🤭）。琴晚倆口子冇咩特別興祝呀，大家收工後都有點累坐車比平時耐左DD仔，有D朋友仔會覺得頭一年要慶祝下先得麻，始終第一年仲要係婚後添😎不過對於我地黎講 幸福，其實係大家每日可以互相擁抱，DAY BY DAY UNTIL THE END OF THE WORLD （英文唔好，當中有文法出錯，請指教🙇🏻‍♂️）老婆，我愛你❤️

話分兩頭，眼見老婆進步左好多。由我以前同她拍拖相處到婚後，原來她會放假執下屋，洗衫掛衫同埋自己一個人買下D菜返屋企煮。琴晚我都早收，她問我駛唔駛煮埋我果份😚

或者係環境轉變左又一個少女成長到成熟少女 （甘咪好正😍哈哈🤣）

婚後的第一晚餐

續上次的新婚第一個星期的首次倆口子的晚餐，其中女士至愛的甜品之外，梗係仲有其他菜啦😆
今次交返D圖出後黎先

呢煲係……哈哈😂🤣唔好睇落以為又有鮑魚又有火腩仔又有花菇等，就以為好豐富甘😏其實係⋯⋯果晚26號係D家人幫我倆留下的酒菜。

我都係用D 

干蔥頭、蒜頭、薑爆香，再落炸子雞（件）火腩仔爆香。甘做的目的係將燒肉同炸雞的油香肉香透過大火爆炒迫出黎，之後令到成個菜味道好濃郁🤤

然後再灒D米酒聽到 「咋」一聲，成個味道的變化瞬間急速昇華至極。

落埋花菇、鮑魚、瑤柱、小小老抽上色同埋蚝油、鹽及糖調味。至於落幾多鹽、糖、蚝油及老抽就岩個人味道喜好喇🤔。落完哂呢D調味料之後攪渾，再加水/雞湯/淡口啤酒🍻，份量到食材一半左右蓋冚，炇大概30-40分鐘左右等D湯汁同食材既味道係度慢慢產生微妙變化。。。過左30-40分鐘後。。。試埋味 😼就完成左呢煲香味濃郁的 蚝皇火腩炇花菇鮑魚                     ★大家唔好以為落左啤酒會苦，其實唔會GA，只要落淡味的啤酒就會有陣陣的麥香味☆ 大家都可以落兩三粒 初生雞蛋仔 落去，最後（食到最尾果轉）就會變成類似的台灣鐵蛋🤗

嘩！！！大家見到好多「GREEN OBJECTS」

😱😹其實我同她都係「蔥怪」😹，呢條魚叫做 雞籠鯧  （可以上去GOOGLE 一下）係海野生魚，唔係養殖。用最簡單的方法就係拿去清蒸，既可以保留原本鮮味仲可以保持肉質的細嫩。 都係用最簡單方法，買條魚返到屋企清洗乾淨，再係魚的內籠的黑色粘膜清走 特別係條大骨黑色的位置，如果唔係清走話條魚蒸出黎會有D腥味。條魚半斤多D唔夠一斤，水滾蒸5-10分鐘左右，熄火。然後上面放一堆蔥、淋埋蒸魚豉油，最後將滾的蒜油淋埋落係D蔥度，又係 「咋」幾聲 唔可以冇左，都係單靠呢幾下將蔥蒜既香味迫法出來，令到啲油帶著啲香味同豉油黎個完美結合。條魚好好食😌，肉質鮮嫩多汁，配上蔥蒜既香油簡直可以送兩碗白飯😋🤣

呢個擺到明係自由發揮的什菜沙侓🤣，我都係用左D KALE （羽衣甘藍 又叫 鬼老介蘭）、Lollo Rosso (又D 人叫 紅邊菜 ）、butter lettcue、 溫室青瓜仔同埋 三色椒仔一齊mix well黎食。大家可以自己買D鐘意的沙侓汁醬，而我就鐘意用最簡單的欖油、岩鹽同黑椒碎整黎食。

呢個係成晚最癲瘋之作同時又係處男之作，
女士們見到會為它而瘋、而尖叫🤩
桃膠花膠燉鮮奶
都係唔難整☺️只要花DD時間就搞好。好喇好喇！入正題。提提大家，如果係第一次整的朋友仔，就唔好買成千幾至幾千蚊斤的花膠啦！不過有D有錢的話：吹呀！幾千蚊斤的買得起😎。。。甘就請埋我果份😁。
發花膠的盆要唔好有油漬唔係就會而變壞、另一樣係要換水。如果你的花膠係厚身的話隨時要浸兩至三日，相反好似我呢D只買得起6百零蚊的人😫，發幾個鐘頭就搞掂。其實平貴在乎口感同膠質，但人體都係吸收有限。
發完花膠後正路會比原來的體積重量多左（下圖 網路圖）

前後

浸發完當然要去汆水，汆到差唔多水滾拿起 唔係就易將花膠既膠質部分流走，要用薑酒，可以去左部分腥味。之後再用凍水放入雪櫃浸過夜，目的要令個花膠脆身 （可以SKIP呢個，因為未必岩唔多時間的朋友仔）然之後再切成一小塊方便連埋發好的桃膠一齊落去燉。

（同大家黎個平衡時空😂）同一日，發花膠之餘要順便浸埋    桃膠，可能有D朋友唔太知係咩黎（下圖 網路圖）大家可以去GOOGLE一下有咩功效。其中最重要係植物性膠原蛋白，女人至愛😍

左）係浸左大概一日的桃膠 
右）係未浸

呢張就係 桃膠的真面目😎發桃膠二人份量3-5粒就足夠，它一發可以係自身體積10-20倍😱。當然要浸基本上一日至到軟身滑溜溜，當發大左的桃膠要用手揀左入面D類似木碎樹幹的碎屑重複做兩三次，唔係的話燉出黎的賣相唔令喔。
好喇，一切準備就緒就要將D材料放入個燉盅，隔水燉2-3小時。提提大家，鮮奶可以提早放係室溫及用熱水開始燉時間而控制、燉的時後用保鮮紙保住，甘做可以防止「倒汗水」滴落燉盅入面同埋唔會易走味。

最後燉出來，我地都好鐘意食。一次分到3人份量，岩岩好連埋外母甘岩上黎拿野，她有口福🤣。 呢度甜品係將當晚畫上完美句號，大滿足😌。冇諗到第一次就會甘成功！哈哈
下次再同大家分享 倆口子的新生活

婚後新一頁

一年前、十年前仲係未成家，仲係同屋企人住
冇咩大的目標，或者可以話係跟本唔需要(￣∇￣)
甘就冇左1/4人生（ーー；）
自從上年11/11求婚成功，就突然發現需要有個另令另一半往後幸福(｡ì _ í｡)
果日後，個擔子重左，係時候要TAKE ACTION 。
。。。。。
一年後，26/10 踏入另一個人生階段。要開始對另一半，姐係由女朋友身分變成老婆的身分(*^o^*) 身上的對老婆承諾(｡ì _ í｡)

婚後果一星期精彩喇，
搬左出去住
買野格價。。（ーー；）未搬前差三兩蚊都買，但而家會左格右格(╯﹏╰）
每日早上煮愛心早餐大家食，然後返工

愛心晚餐加女士至愛的甜品------
。
。
。
。
。
。

花膠桃膠燉鮮奶😍

其實唔難整，超易整😂。



呢餐係我地婚後第一餐的二人世界的晚餐




待續。。。。